Home / urdukhabar / سابق ایم پی اے مجید خان اچکزئی ٹریفک سارجنٹ قتل کیس میں بری

سابق ایم پی اے مجید خان اچکزئی ٹریفک سارجنٹ قتل کیس میں بری

پاکستان کے صوبہ بلوچستان کی ماڈل کورٹ نے بلوچستان اسمبلی کے سابق رکن اور پشتونخوا میپ کے رہنما مجید خان اچکزئی کو ٹریفک سارجنٹ کی ہلاکت کے مقدمے میں بری کردیا ہے۔

دوست محمد مندوخیل پر مشتمل ماڈل کورٹ نے بلوچستان اسمبلی کے سابق رکن اور صوبائی پبلک اکاؤنٹس کمیٹی کے سابق چیئرمین مجید خان اچکزئی کو عدم ثبوتوں کی بنا پر بری کردیا ہے۔

یاد رہے سنہ 2017 میں انسپکٹر عطااللہ زرغون روڈ پر واقع جی پی او چوک پر ٹریفک کنٹرول کررہے تھے جب ایک سفید رنگ کی لینڈ کروزر گاڑی نے تیزی کے ساتھ آتے ہوئے ان کو ٹکر ماردی تھی۔

ابتدائی طور پر پولیس نے ٹریفک پولیس انسپکٹر کی ہلاکت کا مقدمہ نامعلوم افراد کے خلاف درج کیا تھا تاہم جب اس واقعے کی سی سی ٹی وی فوٹیج میڈیا پر نشر ہوئی تو مجید خان اچکزئی کو گرفتار کیا گیا تھا تاہم بعد میں وہ ضمانت پر رہا ہوگئے تھے۔

ماڈل کورٹس کے قیام کے بعد یہ مقدمہ چند عرصہ قبل کوئٹہ کے ماڈل کورٹ منتقل کیا گیا تھا اور اس مقدمے میں مجید خان اچکزئی کی پیروی سینیئر وکیل کامران مرتضیٰ ایڈووکیٹ نے کی تھی۔

وکیل کامران مرتضیٰ ایڈووکیٹ کی جانب سے یہ موقف اختیار کیا گیا کہ اگرچہ گاڑی مجید خان اچکزئی کی تھی لیکن جس وقت حادثہ پیش آیا، وہ خود گاڑی نہیں چلارہے تھے۔

کامران مرتضٰی نے بی بی سی کے محمد کاظم کو بتایا کہ استغاثہ یہ بات ثابت نہیں کر سکی کی گاڑی مجید خان اچکزئی چلا رہے تھے جس کے باعث عدالت نے انھیں بری کردیا ہے۔

گذشتہ روز سابق ایم پی اے مجید خان اچکزئی کو بری کیے جانے کے بعد سے اس حادثے کی سی سی ٹی سی فوٹیج ایک بار پھر سے سوشل میڈیا پر وائرل ہے۔

اس مقدمے کا فیصلہ آنے کے بعد سے اب تک #MajeedAchakzai ٹاپ ٹرینڈ ہے اور صارفین کی جانب سے شدید مایوسی اور غم و غصے کے ساتھ ساتھ چیف جسٹس سے نوٹس لیے جانے کا مطالبہ بھی کیا جا رہا ہے۔

محمد فیصل نامی صارف کا کہنا تھا ’کوئٹہ ماڈل کورٹ کی جانب سے مجید اچکزئی کو ٹریفک سارجنٹ قتل کیس میں عدم ثبوتوں کی بنا پر رہا کرنا ’پاکستانی عدلیہ کی تاریخ پر سیاہ دھبہ ثابت ہو گا‘ اور اس فیصلے کو اعلی عدالت میں چیلنج کیا جانا چاہیے۔

جمیل فاروقی پوچھتے نظر آئے کہ ’کوئٹہ کے ٹریفک سارجنٹ عطاءاللّہ کو دن دہاڑے روڈ ایکسیڈنٹ میں اگلے جان پہنچانے والے ایم پی اے مجید اچکزئی کا تمام تر ویڈیو ثبوتوں اور سی سی ٹی وی فوٹیجز کے باوجود باعزت بری قرار دیا جانا انصاف کے قتل عام کے مترادف نہیں تو اور کیا ہے۔‘

عدیل رضا لکھتے ہیں ’سابق ایم پی اے مجید اچکزئی کے خلاف ثبوت ہونے کے باوجود ان کی رہائی سے یہ بات تو ثابت ہو گئی کہ پاکستان میں غریب کو انصاف ملنا مشکل ہی نہیں نا ممکن بھی ہے۔‘

’قانون اندھا ہوتا ہے، آج یقین ہو گیا۔‘

50% LikesVS
50% Dislikes
  • 2
    Shares
  •  
    2
    Shares
  •  
  •  
  • 2
  •  
  •  
  •  

About khuramakram

khuramakram

یہ بھی چیک کریں

عمر سے دس سال چھوٹے نظر آئیں صرف ایک ہفتے میں

آپ شاید نہیں جانتے کہ 3 آسان اور قدرتی اجزاﺀ استعمال کرتے ہوئے ایک ایسا …

Leave a Reply